Қаланың стационарларына емдеуге жатқызу шұғыл және жоспарлы түрде жүзеге асырылады.

Шұғыл емдеуге жатқызу: жедел медициналық көмек шақырылатын жіті шұғыл жағдайларда жүзеге асырылады, ол өз кезегінде шұғыл медициналық көмек көрсетеді, жай-күйін бағалайды және қажет болған жағдайда қала стационарларының бейініне және бекітілген ургенттік (эктрендік) кезекшілік кестесіне сәйкес кезекші стационарға шұғыл емдеуге жатқызады.

Жоспарлы емдеуге жатқызу созылмалы аурулар кезінде, сондай-ақ шұғыл араласуды талап етпейтін олардың асқынуларында Қазақстан Республикасы Денсаулық сақтау министрінің «Қазақстан Республикасында стационарлық жағдайларда медициналық көмек көрсету стандартын бекіту туралы» 2022  жылғы 24 наурыздағы № ҚР- ДСМ-27 бұйрыққа сәйкес жоспарлы тәртіппен жүзеге асырылады:

Жоспарлы емдеуге жатқызу: созылмалы аурулар кезінде, сондай-ақ шұғыл араласуды талап етпейтін олардың асқынулары кезінде Қазақстан Республикасы Денсаулық сақтау министрінің «Қазақстан Республикасында стационарлық жағдайларда медициналық көмек көрсету стандартын бекіту туралы» 2022 жылғы 24 наурыздағы № ҚР- ДСМ-27 бұйрығына сәйкес жоспарлы тәртіппен жүзеге асырылады.

1. Стационарлық көмек көрсететін денсаулық сақтау ұйымына (бұдан әрі - стационар) жоспарлы емдеуге жатқызу пациенттің ТМККК шеңберінде медициналық ұйымды еркін таңдау құқығы ескеріле отырып жүзеге асырылады.
2. Стационарға емдеуге жатқызуға жолдаманы медициналық-санитариялық алғашқы көмектің (бұдан әрі - МСАК) медициналық ұйымы ресімдейді.
3. Денсаулық сақтау саласындағы уәкілетті орган айқындаған ұйым (бұдан әрі - Емдеуге жатқызу бюросы) ТМККК шеңберінде стационарға жоспарлы емдеуге жатқызу рәсімін:

• МСАК ұйымының мамандары емдеуге жатқызуға жіберген деректерден және стационардағы бос төсектердің деректерінен «Жоспарлы емдеуге жатқызу тіркелімі» дербестендірілген дерекқорын (бұдан әрі - Тіркелім) қалыптастыру;
• БМСК ұйымдары ұсынатын: стационарлық көмек алуға мұқтаж науқастар мен стационарлар ұсынатын бос арнайы төсектер туралы деректерге сәйкес республикалық және өңірлік деңгейлерде жоспарлы емдеуге жатқызу мониторингін жүргізу;
• Қазақстан Республикасының аумағында науқастарды ауруханаға жоспарлы жатқызу процесіне қатысушылар арасындағы өзара іс-қимылды қамтамасыз етуді жүзеге асырады.

Жоспарлы бақылауды ұйымдастыруға қойылатын талаптар стационарға емдеуге жатқызу.

1. Науқас жүгінген кезде МСАК ұйымының емдеуші дәрігері науқасты тексеруді жүзеге асырады, ауруды диагностикалау және емдеу тактикасын анықтау үшін қажетті клиникалық-диагностикалық, аспаптық және рентгенологиялық зерттеулерді және арнайы мамандардың консультациясын тағайындайды.
2. Қажет болған жағдайда емдеуші дәрігер, науқасты стационарға жатқызу туралы мәселені бөлімше меңгерушісімен бірлесіп шешеді.
3. Ақпараттық-талдау бөліміне бөлімше меңгерушісі стационармен келісу және "емдеуге жатқызу бюросы" ҚР ДСМ порталына ресімдеу үшін жоспарлы емдеуге жатқызуға жіберілген пациенттердің құжаттарын ұсынады.
4. Жоспарлы емдеуге жатқызуға арналған құжаттарды қарау бойынша стационардан жауап 2-ден 14 күнге дейін беріледі.
5. Республикалық және ұлттық орталықтар пациенттерді тек олардың медициналық ұйымы дәрігерінің консультативтік қорытындысы болған кезде қабылдайды.
6. Ауруханаға жатқызу күнін күту ұзақтығы ауруханада бос орындардың болуына байланысты өзгереді.
7. МСАК ұйымының ақпараттық-талдау бөлімінің маманы күн сайын науқастың коды бойынша науқасты емдеуге жатқызу туралы уақтылы хабардар ету үшін Күту парағын қадағалайды.

Ауруханаға жатқызуды күнтізбелік он күннен артық күткен және зертханалық зерттеулердің ескіру мерзімі аяқталған жағдайда науқас МСАК ұйымында жалпы клиникалық зертханалық зерттеулерді қайталауы қажет.

Ауруханаға жатқызудан бас тартылған жағдайда пациент бұл туралы емдейтін дәрігерге хабарлайды, ол өз кезегінде пациентті "емдеуге жатқызу бюросы" порталынан шығаруды ресімдейді.

Бұл жағдайда дәрігер пациентті күту парағынан алу себебін көрсете отырып, МСАК ұйымы директорының атына өтініш береді.

Шетелде емделу.

«Тегін медициналық көмектің кепілдік берілген көлемі шеңберінде Қазақстан Республикасының азаматтарын шетелге емделуге жіберу және (немесе) емдеуді отандық медициналық ұйымдарда жүргізу үшін шетелдік мамандарды тарту қағидаларын әзірлеуді бекіту туралы» Қазақстан Республикасы Денсаулық сақтау министрінің 2021 жылғы              26 мамырдағы № ҚР ДСМ-45 бұйрығына сәйкес шетелдік клиникаларға емделуге жіберілуі мүмкін аурулардың тізбесі бекітілген:

1. Бас миының функционалдық мәні бар хирургиялық қол жетімсіз аймақтарында орналасуына байланысты радиохирургиялық емдеу әдісін (гамма-пышақ) талап ететін артериовеноздық мальформациялар мен ісіктер.
2. Эндоваскулярлық емдеу үшін ми діңі, жұлын тамырларының артериовеноздық мальформациялары және артериялық аневризмдер.
3. Трансоральды алып тастауға арналған бас сүйек негізіндегі ісіктер
4. Радиохирургиялық емдеу әдісін талап ететін көздің қатерлі ісіктері (гамма-пышақ, радиоактивті аппликаторлар).
5. Кератопротездеу.
6. Жүректі, бүйректі, бауырды, өкпені, сүйек кемігін ауыстыруды талап ететін аурулар.
7. Көмей стенозы.
8. Кеңірдектің стенозы.

Бюджет қаражаты есебінен шетелге емделуге жіберілетін Қазақстан Республикасының жекелеген азаматтарының тізбесі бар:

1. 0-ден 18 жасқа дейінгі балалар (көрсеткіштері, айғақтары болған) Қазақстан Республикасының денсаулық сақтау ұйымдарында қолдануға рұқсат етiлген диагностика мен емдеудiң барлық әдiстерi қолданылған, бірақ оң емдік әсері болмаған жағдайларда емделуге жіберіледі.
2. Қазақстан Республикасы Президентiнiң, Қазақстан Республикасы Премьер-Министрiнiң тапсырмасы бойынша ерекше жағдайларда: құқық қорғау органдарының қызметкерлерi, Қазақстан Республикасы Қарулы Күштерiнiң қызметшiлерi қызметтiк мiндеттерiн атқару кезiнде ауыр жарақат алған және мертiккен, оларға қатысты Қазақстан Республикасының денсаулық сақтау ұйымдарында қолдануға рұқсат етiлген диагностика мен емдеудiң барлық әдiстерi қолданылған, бірақ оң емдік әсері болмаған жағдайларда емделуге жіберіледі.

Ерекше жағдайларда Уәкілетті орган Қазақстан Республикасы Премьер-Министрінің келісімі болған кезде, Комиссияның шешімі бойынша, шетелдік медициналық ұйымдарда қиын жағдайда жүрген Қазақстан Республикасының азаматтарын тасымалдауға байланысты шығыстарды төлеуді жүргізеді.

Диагнозы жоғарыда көрсетілген Аурулар тізбесіне сәйкес келген кезде пациентке Денсаулық сақтау басқармасына (бұдан әрі - Басқарма) мынадай құжаттар ұсыну қажет: Басқарманың штаттан тыс арнайы маманының қорытындысы; Қазақстан Республикасы Денсаулық сақтау министрлігінің штаттан тыс арнайы маманының қорытындысы; науқас тарихының жазбаларынан үзінділер.

Жоғарыда көрсетілген құжаттар ұсынылғаннан кейін, медициналық құжаттарды талдауды, қосымша тексеруді, арнайы мамандардың консультацияларын, шетелдік клиникамен телеконсультацияларды, кемінде     екі клиниканы іріктеуді жүргізетін Ұлттық ғылыми медициналық орталықтың жанындағы Жұмыс органының қарауына жіберілетін болады.